السلام عليكم
نقدم لكم مجموعة من الشهيوات المغربية التي نالت اعجاب العديد من الناس حول العالم
بان كيك بنسمة الحامض روعة و دغيا كيوجد
: المقادير
2 بيضات 200 غ دقيق ابيض و 3 معالق سنيده و حامضة معصرة و محكوكة و 2 خمارات و كاس حليب و كاس دانون فاني و 2 معالق كبار زبدة دايبة .خلطي البيض بالطراب اليدوي مع سكر تم باقي المكونات عاد دقيق و الخمارة و خليه يرتاح 5 دقايق و طيبيه في مقلة طيفال مدهونة بالزبدة و تقديم لك الاختيار زينيه حسب الرغبة و قدميه دافي احسن.
ماضلين بالمنضرين واعرين تيصلاح لكوتي المدرسة
المقادير
2 منضرين بقشرة رقيقة مقطعين ميكونش فهم عضم و نص كاس عصير منضرين و كاس سكر و نص كاس زيت و 2 بيضات الكل ديريه في مولينيكس و طربيهم مزيان مزيان عاد زوليهم و زيديه بشوية بشوية دقيق خاصهم يكونو تقال شوية علا كيكة و زيدي في الأخير 2 خمارات و ديريهم في ورق الماضلين تم في المولات و دخليهم يطيبو في الفرن متوسط الحرارة و بصحتكم تزين نتوما و
رغبة ديالكم انا تعطيهم لهم بلا تزين باش ميترونوش
بيبي بلدي مقطع و محمر مع تعليكة ديال بصلة و لكن هاد مرة مالحة حلوة
المقادير
كنحتاجو لبيبي واحد بصلة مشلضة رقيقة و 6 تومة و ملح و بزار و و سكنجبير و خرقوم بلدي و ضامة زعفران و شوية سمن و قرفة و بسيبيسة رقدي فيهم البيبي من احسن ليلة كاملة في تلاجة و زيدي لهم زيت زيتون و كيلو بصلة مقطعة رقيقة و قبطة كبيرة ربيع و ما طايب و خليه يطيب فوق فاخر علا خاطرو راه تياخد الوقت من بعد ملي توجد المريقة صفيها حتافضي بالمرق صافي لتقديم و بصل لي غيبقا في صفاية زيديه زبدة و تحميرة و نص كنورة بكري و سكر سنيدة و شحريها مزيان حتا تعقاد و تعلك و قدمي بيبي بصوص لي صفيتي و تعليكة و زيتون انا نكتب لكم طريقيتي فه
زيتون مرافق بدجاج او بيبي اولا كنسلقوه في ما مع خل حتا يطلق مرورة ديالو و نهزو
من المرق و نخلوه يطيب علا خاطرو نفس طريقة كنديرها لكبيدات و بصحتكم
بيب بيب دجاج المشواة وصل بنفس البنة و الشرمولة و لكن بطريقة مبسطة و بنينة
المقادير
اولا كنحتاجو دجاجة منقية و مغسولة يالملح و الحامض و نوجدو شرمولة لي فيها زلافة كبيرة ربيع و 6 ضروس تومة و نص حامضة مصيرة مقطعة و شوية ملح و بزار و حار بزايد خاصها تجي حاااارة انا درت معيلقة صغيرة معامراش و سكنجبير و خرقوم بلدي و زيت الزيتون و كامون بزايد مهم بحال شرمولة الحوت تقريبا شرملي دجاجة و عمريها بالشرمولة و خليها ليلة كاملة عاد ديريها في كوكوت مع كاس صغير ما و سدي عليها ساعة كاملة علا نار مهيلة من بعد دهنيها بزبدة و نصف ضامة زعفران و دخليها تحمر مزيان اما المرق لي بقا في كوكوت زيديه فلفلة مقطعة و نصف كنورة و نصف ضامة زعفران و شوية زيت زيتون و روز و ما طايب و خليه طيب و ينشف و
بصحتكم و راحتكم
بصحتكم و راحتكم
تعليقات: 0
إرسال تعليق