بطاطا في كوكوط بطريقتي انا كتجي واعرة بزاف
المقادير
ديري في كوكوط بصلة مشلضة علا طول شحريها مزيان في زيت الزيتون و زيديلها مطيشة محكوكة بلا زريعه و معيلقة مطيشه الحك و 4 ضروس تومة ملح بزار و سكنجبير و الخرقوم بلدي و ورقة سيدنا موسى و قليهم مزيان زيديهم قبطة ربيع و 4 بطاطا مقطعة أما دوائر أو مربعات و 2 كيسان كبار حتا ل 3 ما طايب حسب كوكوت ديالك و سدي كوكوت تصفر ربع ساعة و حلي عليها و بصحتكم
كبدة الغنمي بالصوص طوماط كتجي بنينة بزاف
المقادير
اولا كنقلي كبده شرائح في مقلة بزيت الزيتون و عاد كنزولها و نقطعها مربعات و كنصاوب صوص لي فيه
مطيشة محكوكة بلا زريعه و 3 ضروس تومة و قزبر مقطع و معيلقه مطيشة ديال الحك و ملح و بزار و سكنجبير و الخرقوم بلدي و كامون و تحميره و زيت الزيتون و نص كاس ما شحريهم مزيان مزيان عاد زيديهم كبدة و خليهم يتشربو بصحتكم كيجي معاها حتا حامض مصير واعر انا مدرتوش اليوم بصحتكم و راحتكم
طاكوس منزلي مئة في المئة من العجين لصوص واعر هاد الوصفة خرجات ليا ستة طاكوس
مهم العجين فه زوج زلافات كبار دقيق و خمارة و معيلقة كبيرة سكر و ملح و راس معيلقة غير قبصة خميرة د الخبز عجنيه. بالحليب دافئ تكون عجين مرخوف و خليها تخمر عاد شكليها كويرات قد منضرينة و لي سرحتيها طيبيها مباشرة نص طيبة رققو العجين مزيان مزياااان رقيقة بزاااف
مهم الحشوة انا درت غير كفتة و لكن غالبا كندير حتا دجاج مهم شحري كفتة في زبدة مع ملح و بزار و عمري بيها مع فريت و بصلة مشحرة مزيان و صوص فيها خليط مايونيز و صوص حار و غبرة بصلة و خل كتجي واو و ديري 2 طريفات ديال جبن مربع ديال سندويتش و لويه و طيبيه في بريس بانيني بصحتكم
sucettes غزالين و بنان و صحين لوليداتكم
المقادير
رابعة لوز محمر و مهروش و زوج صابلي و ماروخا محكوكة صافي جمعيه بكراميل أو عسل او كونفتور مشماش لي عندك مهم ديريهم كويرات و ديري فيهم عود و دخليهم مجمد يشدو مزيان عاد دوزيهم في شكلاط مدوب انا كنخدم بشوكولا ماكاو ممتاز مع طابليط ميلكا زوين و زينيه حسب الرغبة و بصحتكم درت حتا هاد دواءر من شكلاط حتا هو خليط من ماكاو و ميلكا و معمرين بفواكة جافة و فروي كونفي رآه زوينين حتا هما و بنان بزاااف
الى هنا نكون قد انتهنا من هدا المقال الدي جائت فيه وصفات مغربية خاصة بالمناسبات وصفات رائعة و نتمى ان تكون نالت اعجابكم
تعليقات: 0
إرسال تعليق